Tədqiqatlar üçün qrant proqramı

Təqaüd Seçmə Komitəsi	Təklif Yazmaq üçün Köməkçi Materiallar
Tədqiqatlar üçün qrant proqramı	Təqaüd və Tədqiqat

QTRM təqaüd qrantı 2004-cü ildə Cənubi Qafqazda yeni siyasi yönümlü tədqiqatlar aparmaq istəyən tədqiqatçılara dəstək məqsədilə yaradılıb. QTRM iqtisadiyyat, sosiologiya, demoqrafiya və digər sosial elmlər sahəsində siyasi mövzuda olan məsələlərin təhlili üçün tədqiqatçılara təqaüdlər verir. Təqaüdçülər apardıqları tədqiqatı tamamlamaq üçün QTRM Məlumat Toplanması Təşəbbüsü vasitəsilə əldə olunan məlumatdan istifadə etməklə yanaşı, yeni və mövcud məlumat mənbələrindən də istifadə edirlər. Təqaüdçülər həmyaşıdların ərizələri nəzərdən keçirməsi və aparıcı praktiki fəaliyyətlə məşğul olan şəxslər və tədqiqatçılardan ibarət təqaüd seçmə komitəsi tərəfindən müsabiqə yolu vasitəsilə seçilirlər.

2007-ci ildə Təqaüd Proqramına bir neçə yeni və maraqlı dəyişikliklər olundu. Təqaüd Proqramı online şəkildə uğurla təqdim olundu. Hal-hazırda təqaüdçülər ərizələrini təqdim etməkdən öncə ərizə təqdim olunması üzrə bilik və bacarıqlarını artırmaq üçün Moodle ("qonaq" kimi daxil ola bilərsiniz) adlandırılan çox maraqlı online təlim platformasından istifadə edirlər. Moodle həmçinin ərizəçilərə bir-birilə və QTRM işçi heyəti ilə ərizələrin qəbulu prosesində ünsiyyət qurmaq üçün interaktiv şərait yaradır və bu da təqdim olunan ərizələrin keyfiyyətini çox yüksəltmişdir.

2009-cu il üçün seçilən təqaüdçülər Moodle tərəfindən aparılacaq silsilə təlimlərdə iştirak edəcəklər. Tədqiqatçılardan öz nəşrlərini QTRM-in Qafqazın qlobal elmi dialoq və müzakirələrinə inteqeasiyası üçün vacib hesab etdiyi ingilis dilində çap olunan jurnallara təqdim etmələri tələb olunur.

Əgər siz Təqaüd Proqramımız ilə maraqlanırsınızsa, bizim hal-hazırki QTRM təqaüdçüləri və onların araşdırdıqları mövzular haqqında burada məlumat ala bilərsiniz.

Print Version