MƏRKƏZ HAQQINDA

Qafqaz Tədqiqat Resurs Mərkəzləri proqramı (QTRM) Cənubi Qafqazda sosial tədqiqatları və ictimai siyasətin təhlilini gücləndirmək məqsədi ilə Azərbaycan, Gürcüstan və Ermənistanın paytaxlarında yaradılmış resurs, tədqiqat və təlim mərkəzləri şəbəkəsidir.

Nyu Yorkda yerləşən Karnegi Korporasiyası və Avrasiya Əməkdaşlığı - Azərbaycan Fondunun ortaqlığı ilə yaradılan bu proqramın məqsədi yüksək səviyyəli tədqiqat resurslarından istifadə etmək imkanlarını artırılmasına, sosial tədqiqatlarla və praktiki fəaliyyətlə məşğul olan alimlərin, mütəxəssislərin potensialının gücləndirilməsinə, dialoq və əməkdaşlığın genişləndirilməsinə yardım göstərməkdir.

QTRM yarandığı 2003-cü ildən etibarən sosial elmlər üzrə mütəxəssislərə fundamental ədəbiyyatdan, məlumat və peşə təlimlərindən istifadə etmək imkanı yaratmaqla Cənubi Qafqazda sosial elmlər üzrə fəaliyyət göstərən mərkəzə çevrilmişdir. Bu mərkəz tədqiqatçılara aktual faktiki məlumatlara əsaslanan orijinal elmi tədqiqat işləri aparmaq və inkişaf etməkdə olan yerli tədqiqat icmasına qoşulmaq imkanı verir.

QTRM-in birbaşa və dolayı benefisiarları sırasına sosial elmlər üzrə tədqiqatçılar, elmi qurumların nümayəndələri, praktiki fəaliyyətlə məşğul olanlar, qeyri-hökumət, özəl və dövlət sektorlarını təmsil edən mütəxəsislər daxildir.

Print Version